Séptima edición, en gallego, de Os fillos do mar.

¡¡¡SÉTIMA EDICIÓN!!!
Meus prezadísimos amigos, se algún de vós tén alto o nivel de azucre en sangue que deixe de ler agora que está a tempo, porque a verdade é que xa me dá un pouco de apuro, pero xúrovos que non podo deixar de dar e de dar e de dar as grazas unha e outra vez por todo isto que estades facendo...
Acabada de tirar dos altísimos fornos de Xerais, hoxe o mensaxeiro (quen, por certo, tamén vai estando até as narices de vir sempre cargado de libros a este enderezo......) deixoume un paquetiño ben gorenteiro. Os exemplares correspondetes á sétima edición de ese libro que xa é máis voso ca meu. Sete edicións, sete, de "Os fillos do mar"! Uff... Se xa esgotar unha primeira edición é difícil, cando re-editar unha segunda é coma un soño, chegar á terceira pouco menos que milagre, imaxinádevos a alegría tan e tan grande que me supón recibir esta nova... E todo é grazas a vós, que seguides coa teima esta de entrar nas nosas librarías e saír cun libro galego baixo o brazo. Non podo menos que dicir "grazas", de todo corazón.